কোকৰাঝাৰ জিলাৰ ৰূপসী বিমানবন্দৰৰ পৰা অহা ১৭ অক্টোবৰৰ পৰা বিমানৰ চলাচল পুনৰ আৰম্ভ হ’ব। এই সন্দৰ্ভত ক্ষেত্রভিত্তিক অধ্যয়ন তথা পৰ্যৱেক্ষণৰ অন্তত কোকৰাঝাৰ লোকসভা সমষ্টিৰ সাংসদ জয়ন্ত বসুমতাৰীয়ে এই কথা প্ৰকাশ কৰিছে। উল্লেখযোগ্য যে কেন্দ্ৰীয় চৰকাৰৰ উড়ান আঁচনিৰ অধীনত ২০১৯ চনত ৰূপসী বিমানবন্দৰৰ পুনৰ নিৰ্মাণৰ কাম সম্পূৰ্ণ কৰা হৈছিল যদিও যোৱাবছৰ এই বিমানবন্দৰৰ পৰা যাতায়াত প্ৰায় বন্ধ হৈ পৰে। বহু প্রতিক্ষাৰ অন্তত পুনৰ আৰম্ভ হোৱা এই বিমান সেৱা বৰ্তমান ৰূপসী-কলকাতা আৰু ৰূপসী-গুৱাহাটীৰ মাজতে সীমাবদ্ধ থাকিব বুলি সাংসদগৰাকীয়ে প্ৰকাশ কৰে।