ৰাজ্যখনৰ এখন বিদ্যালয়ত অলপতে এজন ছাত্রক একেখন বিদ্যালয়ৰ ছাত্ৰই আক্ৰমণ কৰি হত্যা কৰা বুলি উঠা অভিযোগৰ ঘটনাৰ পৰিপ্ৰেক্ষিতত কামৰূপ মহানগৰ জিলাৰ বিভিন্ন চৰকাৰী, প্ৰাদেশীকিকৃত অথবা ব্যক্তিগত বিদ্যালয়সমূহৰ ছাত্ৰ-ছাত্ৰীৰ বিদ্যালয়লৈ নিয়া বেগসমূহ তালাচী চলাবলৈ নিৰ্দেশ দিয়া হৈছে। পাঠদান আৰম্ভ হোৱাৰ পূৰ্বে ছাত্ৰ-ছাত্ৰীসকলৰ বেগসমূহ পৰীক্ষা কৰি তাত চোকা অস্ত্র, অস্ত্র-শস্ত্র, মাদকদ্রব্য, গুটখা, ধঁপাত, চিগাৰেট আদি সামগ্রী জব্দ হোৱা মাত্ৰেই ব্যৱস্থা ল’বলৈ কোৱা হৈছে। এনে ছাত্ৰ-ছাত্ৰীৰ অভিভাৱকক ততালিকে অৱগত কৰাৰ উপৰি কামৰূপ মহানগৰ জিলাৰ সৰ্বশিক্ষা অভিযানৰ জিলা মিছন সমন্বয়কক অৱগত কৰিবলৈ কোৱা হৈছে। এই নির্দেশ সকলো বিদ্যালয়কে কঠোৰভাৱে মানি চলিবলৈ কোৱা হৈছে।