কালী পূজা আৰু পোহৰৰ উৎসৱ দীপাৱলীলৈ মাজত মাথো কেইটামান ঘণ্টা। দেশজুৰি উৎসাহ-উদ্দীপনাৰে এই উৎসৱ উদযাপন কৰা হ’ব। ইতিমধ্যে দোকান-পোহাৰসমূহ মাটিৰ চাকিৰ লগতে বিভিন্ন বিজুলী বাতি তথা অন্যান্য প্রয়োজনীয় পূজাৰ উপকৰণ আৰু সা-সামগ্ৰীৰে সজাই তোলা হৈছে আৰু গ্ৰাহকেৰে বজাৰসমূহ ঠাহ খাই পৰিছে। সমান্তৰালকৈ কালী পূজাৰ বাবে বিভিন্ন মন্দিৰসমূহত ব্যাপক প্ৰস্তুতি চলা পৰিলক্ষিত হৈছে। ইপিনে, প্ৰদূষণ নিয়ন্ত্রণ ব’র্ডে সকলোকে সেউজ দীপাৱলী উদযাপন কৰিবলৈ আহ্বান জনাইছে।