জম্মু-কাশ্মীৰৰ বিধানসভা নিৰ্বাচনৰ প্ৰথম পৰ্যায়ৰ ২৪টা সমষ্টিৰ বাবে ভোটগ্রহণ আজি পুৱা ৮ বজাৰ পৰা আৰম্ভ হৈছে। ৰাজ্যখনত মুঠ ৯০টা সমষ্টিৰ বাবে তিনিটা পৰ্যায়ত বিধানসভা নির্বাচন অনুষ্ঠিত হ’ব। অহা ২৫ ছেপ্তেম্বৰত ২৬টা সমষ্টিৰ বাবে দ্বিতীয় পৰ্যায়ৰ ভোটগ্রহণ হোৱাৰ লগতে ১ অক্টোবৰত ৪০টা সমষ্টিৰ বাবে তৃতীয় ভোটগ্রহণ অনুষ্ঠিত হ’ব। জম্মু-কাশ্মীৰ বিধানসভাৰ আটাইকেইটা সমষ্টিৰ ভোটগণনা অহা ৮ অক্টোবৰত অনুষ্ঠিত হ’ব।