আই পি এল ক্রিকেট প্রতিযোগিতাৰ আজি হায়দৰাবাদত হ’বলগীয়া এখন খেলত ৰাজস্থান ৰয়েলছ ছানৰাইজাৰ্ছ হায়দৰাবাদৰ সন্মুখীন হ’ব। খেলখন সন্ধিয়া চাৰে ৭ বজাত আৰম্ভ হ’ব। ৰাজস্থান ৰয়েলছ বৰ্তমানলৈকে খেলা ৯খন খেলৰ ভিতৰত ৮খনত জয়লাভ কৰি প্ৰতিযোগিতাৰ পইণ্ট তালিকাত শীৰ্ষত আছে। আনহাতে, হায়দৰাবাদে ৯খন খেলৰ ভিতৰত ৫খনত জয়লাভ কৰি পঞ্চম স্থানত আছে।
ইফালে, পাঞ্জাব কিংছে যোৱা নিশা চেন্নাইৰ এম এ চিদাম্বৰম ষ্টেডিয়ামত অনুষ্ঠিত প্রতিযোগিতাৰ এখন খেলত চেন্নাই ছুপাৰ কিংছক সাত উইকেটত পৰাস্ত কৰে। পাঞ্জাব কিংছে ১৬৩ ৰানৰ বিজয় লক্ষ্যৰে খেল আৰম্ভ কৰি ১৭ অ’ভাৰ আৰু ৫টা বলত তিনিটা উইকেট হেৰুৱাই নিৰ্ধাৰিত লক্ষ্যত উপনীত হয়। ইয়াৰ পূৰ্বে চেন্নাই ছুপাৰ কিংছে প্রথমে বেট ধৰি নিৰ্ধাৰিত ২০ অ’ভাৰত সাতটা উইকেট হেৰুৱাই ১৬২ ৰান কৰে। এই জয়ৰ সুবাদত পাঞ্জাব প্রতিযোগিতাৰ পইণ্ট তালিকাত অষ্টমৰ পৰা সপ্তম স্থানলৈ উন্নীত হৈছে। চেন্নাই বৰ্তমান চতুর্থ স্থানত আছে।