ডাউনলোড
মোবাইল এপ

android apple
signal

March 22, 2025 11:49 AM | IPL

printer

আই পি এল ক্রিকেট প্রতিযোগিতাৰ অষ্টাদশ সংস্কৰণ আজি আৰম্ভ

ইণ্ডিয়ান প্রীমিয়াৰ লীগ ক্রিকেট প্রতিযোগিতাৰ অষ্টাদশ সংস্কৰণ আজি আৰম্ভ হ’ব। কলকাতাৰ ইডেন গার্ডেনছ ষ্টেডিয়ামত আজি সন্ধিয়া উদ্বোধনী খেলখন যোৱাবাৰৰ বিজয়ী কলকাতা নাইট ৰাইডাৰ্ছ আৰু ৰয়েল চেলেঞ্জাৰ্ছ বেংগালুৰুৰ মাজত খেলোৱা হ’ব। খেলখন সন্ধিয়া চাৰে ৭ বজাত আৰম্ভ হ’ব। আজিৰ উদ্বোধনী অনুষ্ঠানত প্ৰসিদ্ধ গায়িকা শ্রেয়া ঘোষাল, পাঞ্জাবী গায়ক কৰণ ঔজলা আৰু বলীউদৰ অভিনেত্ৰী দিশা পাটানীয়ে অনুষ্ঠান পৰিৱেশন কৰিব। প্ৰতিযোগিতাত ১০টা দলৰ মাজত ৭৪ খন খেল অনুষ্ঠিত হ’ব।

ইপিনে আই পি এল আৰম্ভ হোৱাৰ পূৰ্বে ভাৰতীয় ক্রিকেট নিয়ন্ত্ৰণ পৰিষদ, বিচিচিআইয়ে এই প্রতিযোগিতাৰ বাবে চাৰিটা বৃহৎ পৰিৱৰ্তন কৰিছে। পৰিষদৰ মুখ্য কাৰ্যালয়ত কালি দলসমূহৰ অধিনায়ক, প্ৰশিক্ষক আৰু প্ৰৱন্ধকসকলৰ সৈতে বিচিচিআইৰ এখন বৈঠকত সৰ্বসন্মতিক্রমে বলত লেলাৱতি লগোৱা কাৰ্যত অনুমতি দিয়া হয়। ক’ভিড মহামাৰীৰ সময়ত এই কাৰ্যত নিষেধাজ্ঞা আৰোপ কৰা হৈছিল। তদুপৰি সন্ধিয়াৰ ভাগত অনুষ্ঠিত খেলসমূহত কুঁৱলীৰ বাবে উৎপন্ন হোৱা প্ৰত্যাহ্বানসমূহ দূৰ কৰাৰ উদ্দেশ্যে পাছত বলিং কৰা দলে ১০ অভাৰৰ পাছত বল বদলোৱাৰ বাবে অনুৰোধ কৰিব পাৰিব। আম্পায়াৰেও দশম অভাৰৰ পাছত প্রয়োজন হ’লে বদলি কৰাৰ সিদ্ধান্ত ল’ব পাৰিব। এই প্রতিযোগিতাতে নতুন আচৰণ বিধি প্রযোজ্য হ’ব আৰু ৩৬ মাহলৈকে এই বিধি বাহাল থাকিব।

অধিক পঢ়ক

সকলো চাওক