আই পি এল ক্রিকেট প্রতিযোগিতাৰ আজি চেন্নাইৰ এম এ চিদম্বৰম ষ্টেডিয়ামত হ’বলগীয়া এখন খেলত চেন্নাই ছুপাৰ কিংছ লক্ষ্ণৌ ছুপাৰ জায়েণ্টছৰ মুখামুখি হ’ব। খেলখন সন্ধিয়া চাৰে ৭ বজাত আৰম্ভ হ’ব। ইপিনে যোৱা নিশা অনুষ্ঠিত এখন খেলত ৰাজস্থান ৰয়েলছে মুম্বাই ইণ্ডিয়ানছক ৯ উইকেটত পৰাস্ত কৰে। ৰাজস্থান ৰয়েলছে ১৮ অভাৰ ৪টা বলত এটা উইকেট হেৰুৱাই ১৮৩ ৰান সংগ্ৰহ কৰি বিজয় সাব্যস্ত কৰে। ৰাজস্থান ৰয়েলছৰ হৈ য়যশ্বী জয়ছোৱালে অপৰাজিত ১০৪ ৰান কৰাৰ বিপৰীতে সঞ্জু ছেমছনে অপৰাজিত ৩৮ ৰান কৰে। ইয়াৰ পূৰ্বে মুম্বাই ইণ্ডিয়ানছে প্ৰথমে বেট ধৰি ৯ উইকেটৰ বিনিময়ত ১৭৯ কৰে। মুম্বাই ইণ্ডিয়ানছৰ হৈ তিলক বার্মাই ৪৫টা বলত সৰ্বাধিক ৬৫ ৰান কৰাৰ বিপৰীতে ৰাজস্থান ৰয়েলছৰ হৈ সন্দীপ শৰ্মাই ৫টা উইকেট দখল কৰে। সন্দীপ শৰ্মাক প্লেয়াৰ অৱ দা মেচ ঘোষণা কৰা হয়। এই জয়ৰ সুবাদত ৰাজস্থান ৰয়েলছে মুঠ ৮খন খেলৰ ভিতৰত এখনতে জয়লাভ কৰি পইণ্ট তালিকাৰ শীৰ্ষত আছে। আনহাতে মুম্বাই ইণ্ডিয়ানছে ৩খন খেলত জয়লাভ কৰি পইণ্ট তালিকাৰ সপ্তম স্থান আছে।