চেন্নাই ছুপাৰ কিংছে যোৱা নিশা চেন্নাইৰ এম এ চিদাম্বৰম ষ্টেডিয়ামত অনুষ্ঠিত আই পি এল ক্রিকেট প্ৰতিযোগিতাৰ এখন খেলত কলকাতা নাইট ৰাইডাৰ্ছক ৭ উইকেটত পৰাস্ত কৰে। খেলখনত প্ৰথমে বেট ধৰাৰ আমন্ত্রণ লাভ কৰি কলকাতাই নির্ধাৰিত ২০ অভাৰত ৯টা উইকেট হেৰুৱাই ১৩৭ ৰান সংগ্ৰহ কৰে। দলটোৰ হৈ শ্রেয়াছ আয়াৰে ৩২টা বলত সৰ্বাধিক ৩৪ ৰানৰ বৰঙণি আগবঢ়ায়। চেন্নাইৰ তুষাৰ দেশপাণ্ডে আৰু ৰবীন্দ্ৰ জাদেজাই ৩টাকৈ আৰু মুস্তাফিজুৰ ৰহমানে ২টা উইকেট দখল কৰে। প্ৰত্যুত্তৰত চেন্নায়ে ১৪টা বল বাকী থকা অৱস্থাত এটা উইকেট হেৰুৱাই বিজয় লক্ষ্য অতিক্ৰম কৰে। দলটোৰ হৈ অধিনায়ক ঋতুৰাজ গায়কোৱাড়ে ৫৮টা বলত ৬৭ ৰান কৰি আউট নোহোৱাকৈ থাকে। প্রতিযোগিতাত আজি চণ্ডীগড়ৰ মহাৰাজা যাদবীন্দ্ৰ সিং আন্তঃৰাষ্ট্ৰীয় ক্রিকেট ষ্টেডিয়ামত পাঞ্জাব কিংছ, ছানৰাইজাৰ্ছ হায়দৰাবাদৰ বিৰুদ্ধে অৱতীৰ্ণ হ’ব। খেলখন সন্ধিয়া ৭.৩০ বজাত আৰম্ভ হ’ব।