উপ-ৰাষ্ট্ৰপতি জগদীপ ধনখড়ে আজি কয় যে, বিশ্বৰ মানচিত্ৰত ভাৰতে বিজ্ঞানৰ ক্ষেত্ৰত পূৰ্বৰ গৌৰৱ অৰ্জন কৰাৰ দিশত আগবাঢ়িছে। নতুন দিল্লীত আজি ৮৩ সংখ্যক চি এছ আই আৰৰ প্ৰতিষ্ঠা দিৱসত মুখ্য অতিথি হিচাপে সম্বোধন কৰি শ্ৰী ধনখড়ে কয় যে, অতীতত ভাৰতৰ বৈজ্ঞানিক দিশত থকা প্ৰজ্ঞাই বিশ্বক গৌৰৱান্বিত কৰিছিল। তেওঁ কয় যে, বিগত কেইটামান বৰ্ষত বৈজ্ঞানিক সম্প্রদায়ে বিশেষ স্বীকৃতি লাভ কৰিবলৈ সক্ষম হৈছে। উপ-ৰাষ্ট্ৰপতিগৰাকীয়ে কয় যে, প্রধানমন্ত্ৰী নৰেন্দ্ৰ মোদীয়ে গভীৰভাৱে বৈজ্ঞানিক সম্প্ৰদায়ৰ প্ৰতি আস্থা প্রকাশ কৰিছে। তেওঁ কয় যে, দেশৰ প্ৰতিভাসমূহক বিকশাই তুলি দেশৰ প্ৰতি অৱদান আগবঢ়োৱাৰ বাবে বৈজ্ঞানিক সম্প্রদায়ে বর্তমান সময়ত এটা অৰ্থব্যৱস্থা গঢ়ি তুলিছে। উপ-ৰাষ্ট্ৰপতিগৰাকীয়ে দেশৰ বুনিয়াদ গঢ়ি তোলাৰ ক্ষেত্ৰত চি এছ আই আৰৰ কামকাজক প্ৰশংসা কৰিছে। অনুষ্ঠানত উপ-ৰাষ্ট্ৰপতিগৰাকীয়ে এখন প্ৰদৰ্শনী মুকলি কৰে। তেওঁ লগতে এই উপলক্ষে প্রয়াত মাতৃৰ স্মৃতিত এজোপা গছপুলি ৰোপণ কৰে।