ঘূৰ্ণীবতাহ ‘ডানা’ৰ প্ৰতি লক্ষ্য ৰাখি ভাৰতীয় নৌসেনা বাহিনীয়ে ওড়িশা আৰু পশ্চিমবংগৰ উপকূলত মানৱীয় সাহায্য আৰু দুৰ্যোগ সাহায্য প্ৰদানৰ বাবে প্ৰস্তুতি অব্যাহত ৰাখিছে। প্ৰতিৰক্ষা মন্ত্ৰ্যালয়ে এটা বিজ্ঞপ্তিত জানিবলৈ দিয়া অনুসৰি প্ৰস্তুতিৰ অংশ হিচাপে ঘূর্ণী বতাহ প্ৰভাৱিত অঞ্চলসমূহত প্রয়োজনীয় বস্ত্ৰ, খোৱাপানী, খাদ্য সামগ্রী, ঔষধ আৰু জৰুৰীকালীন সাহায্য সামগ্ৰী প্ৰদানৰ বাবে বিশেষ গোটক সাজু কৰি ৰখা হৈছে। ইয়াৰোপৰি প্ৰয়োজন অনুসৰি উদ্ধাৰ আৰু সাহায্য অভিযান চলোৱাৰ বাবে ডুবাৰু দল আৰু দুয়োখন ৰাজ্যৰ উপকূলত দুখন জাহাজ সাজু কৰি ৰখা হৈছে। ঘূর্ণী বতাহ ডানাত ক্ষতিগ্রস্ত লোকসকলক সহায় কৰাৰ বাবে সংশ্লিষ্ট বিভিন্ন পক্ষক সাজু কৰি ৰখাৰ লগতে ভাৰতীয় নৌ সেনা বাহিনীয়ে পৰিস্থিতি অহৰহ নিৰীক্ষণ কৰি আছে। ইয়াৰোপৰি ডানাৰ প্রভাৱ পৰিবলগা অঞ্চলসমূহত হাই এলার্ট জাৰি কৰা হৈছে বুলি মন্ত্ৰ্যালয়ৰ সূত্ৰই প্ৰকাশ কৰিছে।