■ ভাৰতে ৰাষ্ট্ৰসংঘৰ সাধাৰণ পৰিষদৰ খচৰা প্ৰস্তাবৰ সপক্ষে ভোটদান কৰি পেলেষ্টাইনক পূর্ণ সদস্যৰ মৰ্যদা প্ৰদানৰ সমৰ্থন আগবঢ়াইছে। ১৯৩ খন সদস্য ৰাষ্ট্ৰৰে গঠিত ৰাষ্ট্ৰসংঘৰ সাধাৰণ সভাৰ কালি অনুষ্ঠিত এখন জৰুৰী বিশেষ অধিৱেশনৰ বৈঠকত সংযুক্ত আৰব আমিৰী ৰাষ্ট্ৰই এই প্ৰস্তাৱ উত্থাপন কৰিছিল। এই প্ৰস্তাৱৰ সপক্ষে ১৪৩ খন দেশে মতদান কৰাৰ বিপৰীতে ৯খন দেশে ইয়াৰ বিৰোধিতা কৰে। ইপিনে ২৫ খন দেশে মতদানৰ পৰা বিৰত থাকে। সম্প্ৰতি পেলেষ্টাইন ৰাষ্ট্ৰসংঘৰ সদস্য নহয় যদিও পর্যবেক্ষক হিচাপে আছে । ২০১২ চনত সাধাৰণ সভাই পেলেষ্টাইনক এই মর্যদা প্ৰদান কৰিছিল। পেলেষ্টাইন মুক্তি সংগঠনক স্বীকৃতি দিয়া ভাৰতে হৈছে আৰবৰ বাহিৰৰ প্ৰথমখন ৰাষ্ট্ৰ। আনহাতে ১৯৮৮ আৰু ১৯৯৬ চনত পেলেষ্টাইনক ৰাষ্ট্ৰ হিচাপে স্বীকৃতি দিয়া ভাৰত এখন অন্যতম ৰাষ্ট্ৰ।