অক্টোবৰত দেশৰ খুচুৰা মুদ্রাস্ফীতি ৬.২–১ শতাংশলৈ বৃদ্ধি পাইছে। চেপ্তেম্বৰত এই পৰিমাণ ৫ দশমিক ৪ – ৯ শতাংশ আছিল। পৰিসংখ্যা আৰু কাৰ্যসূচী ৰূপায়ণ মন্ত্ৰালয়ে জাৰি কৰা তথ্য অনুসৰি অক্টোবৰত গ্রামাঞ্চলত মুদ্রাস্ফীতি ৬ দশমিক ৬-৮ শতাংশলৈ আৰু নগৰাঞ্চলত মুদ্রাস্ফীতি ৫ দশমিক ৬-২ শতাংশ হয়। ইপিনে, সৰ্বভাৰতীয় উপভোক্তা খাদ্য মূল্য সূচ্যাংক আধাৰিত মুদ্রাস্ফীতি অক্টোবৰত ১০ দশমিক ৮-৭ শতাংশলৈ বৃদ্ধি পাইছে। শাক-পাচলি, ফলমূল, তেল আৰু চৰ্বিজাতীয় সামগ্ৰীৰ মূল্যবৃদ্ধি পোৱাৰ বাবে মুদ্রাস্ফীতি উর্ধমুখী হোৱা বুলি কোৱা হৈছে। এই সময়ছোৱাত মাহজাতীয় শস্য, কণী, চেনী, বিস্কুত, মিঠাই, মচলা আদিৰ মুদ্রাস্ফীতি হ্ৰাস পোৱা পৰিলক্ষিত হৈছে।