প্রধানমন্ত্ৰী নৰেন্দ্ৰ মোদীয়ে আজি হাৰিয়ানাৰ পানীপটত মহিলাসকলৰ মাজত বিত্তীয় সাক্ষৰতা আৰু বীমা সম্বন্ধীয় সজাগতাৰ প্ৰচাৰ আৰু প্ৰসাৰৰ উদ্দেশ্যে বীমা সখী আঁচনি মুকলি কৰে। ভাৰতীয় জীৱন বীমা নিগমৰ উদ্যোগত আৰম্ভ কৰা এই আঁচনিখনে দশম শ্রেণী উত্তীর্ণ ১৮ৰ পৰা ৭০ বছৰ বয়সৰ মহিলাসকলক বিশেষ প্রশিক্ষণ প্ৰদান আৰু প্ৰথম তিনি বছৰৰ বাবে মাননি প্ৰদানৰ জৰিয়তে সৱল কৰি তুলিব। আজিৰ অনুষ্ঠানত প্ৰধানমন্ত্ৰীয়ে বীমা সখীসকলৰ মাজত নিয়োগৰ প্ৰমাণপত্ৰ বিতৰণ কৰে। অনুষ্ঠানত উপস্থিত জনগণক সম্বোধন কৰি শ্রীমোদীয়ে কয়, যে তেওঁৰ চৰকাৰে যোৱা ১০ বছৰত মহিলাৰ সৱলীকৰণৰ বাবে কেইবাটাও উল্লেখনীয় পদক্ষেপ গ্ৰহণ কৰিছে আৰু বীমা সখী আঁচনি সেই পদক্ষেপৰেই অন্যতম উদাহৰণ। অনুষ্ঠানত কেন্দ্রীয় বিত্ত মন্ত্রী নির্মলা সীতাৰমণে কয়, যে চৰকাৰে বীমা সখী আঁচনিৰ অধীনত তিনি বছৰত ২ লাখৰো অধিক মহিলাক নিয়োগ কৰাৰ লক্ষ্য নিৰ্ধাৰণ কৰিছে। প্ৰধানমন্ত্ৰী নৰেন্দ্ৰ মোদীয়ে আজি ৰাজ্যখনৰ কৰ্ণালৰ মহাৰাণা প্ৰতাপ উদ্যান শস্য বিশ্ববিদ্যালয়ৰ মূল চৌহদৰ আধাৰশিলাও স্থাপন কৰে