খাদ্য আৰু ৰাজহুৱা বিতৰণ মন্ত্ৰী প্ৰহ্লাদ যোগীয়ে কৈছে যে ইথানেলৰ উৎপাদন আৰু গ্ৰাহকৰ ক্ষেত্ৰত ভাৰত বৰ্তমান বিশ্বৰ তৃতীয় মধ্যবিত্ত দেশ হিচাপে পৰিগনিত হৈছে। নতুন দিল্লীৰ অনুষ্ঠিত দুদিনীয়া ভাৰত চেনি আৰু জৈৱ-শক্তি সন্মিলন উদ্বোধন কৰি মন্ত্ৰীগৰাকীয়ে কয় যে এই কথা প্ৰকাশ কৰে। তেওঁ কয় যে চেনি উদ্যোগ কেৱল এটা অর্থনৈতিক স্তম্ভয়েই নহয়, বৰং ই ভাৰতৰ নবীকৰণ শক্তিৰ ক্ষেত্ৰখনৰো এটা গুৰুত্বপূৰ্ণ চালিকা শক্তি আৰু এই উদ্যোগটো অধিক শক্তিশালী কৰাৰ বাবে চৰকাৰ দৃঢ় প্ৰতিশ্ৰুতিবদ্ধ। দেশৰ চেনি উৎপাদন সন্দৰ্ভত মন্ত্ৰীগৰাকীয়ে কয় যে বিগত দশকত দেশত কুঁহিয়াৰৰ উৎপাদন ১৮ শতাংশ বৃদ্ধি হৈছে। তেওঁ লগতে কয় যে ন্যূনতম সমৰ্থন মূল্যৰ সহায়ত, কৃষকসকলৰ বকেয়া ধন এতিয়া অতীত হৈ পৰিছে। তেওঁ লগতে দেশৰ নবীকৰণযোগ্য শক্তিৰ ক্ষেত্ৰত কৃষকসকলক অন্নদাতাৰ পৰা শক্তিদাতা হোৱাৰ সন্দৰ্ভত আলোকপাত কৰে। সেউজ হাইড্ৰজেনৰ ব্যৱহাৰ উৎপাদন আৰু ৰপ্তানিৰ ক্ষেত্ৰত ভাৰতক গোলকীয় কেন্দ্ৰলৈ ৰূপান্তৰ কৰাৰ উদ্দেশ্যে চৰকাৰে ১৯ হাজাৰ ৭৪৪ কোটি টকা ব্যয়সাপেক্ষ ৰাষ্ট্ৰীয় সেউজ হাইড্রজেন অভিযান মুকলি কৰিছে বুলিও শ্ৰীযোশীয়ে লগতে জানিবলৈ দিয়ে।