২০২৪-২৫ বৰ্ষত উচ্চতৰ মাধ্যমিক প্ৰথম বৰ্ষত নামভৰ্তিৰ বাবে অসম উচ্চতৰ মাধ্যমিক শিক্ষা সংসদৰ দৰ্পণ নামভৰ্তি প’ৰ্টেল আজিৰে পৰা মুকলি কৰা হৈছে। এই সন্দৰ্ভত শিক্ষা সংসদে জাৰি কৰা নিৰ্দেশনা অনুসৰি ছাত্ৰ- ছাত্ৰীসকলে বিভিন্ন শিক্ষানুষ্ঠানত নাম ভৰ্তিৰ বাবে www.darpan.ahseconline.in বা www.ahsec.assam.gov.in ৰ জৰিয়তে অনলাইন আবেদন কৰিব পাৰিব। আজিৰে পৰা ২ মে’ পৰ্যন্ত ছাত্র-ছাত্রীসকলে অনলাইন আবেদন কৰিব পাৰিব। এনে আবেদনৰ পিছত সংশ্লিষ্ট শিক্ষানুষ্ঠানে ৩ মে’ৰ পৰা ৪ মে’ৰ ভিতৰত ছাত্ৰ-ছাত্ৰীৰ যোগ্যতা তালিকা, অপেক্ষাৰ তালিকা প্ৰস্তুত কৰিব। ৬ মে’ৰ পৰা ৮ মে’ৰ ভিতৰত ছাত্র-ছাত্রীসকলে শিক্ষানুষ্ঠানসমূহত নামভৰ্তি কৰিব লাগিব।