■ সমগ্র দেশতে আজি হিন্দী দিৱস পালন কৰা হৈছে। ১৯৪৯ চনৰ আজিৰ দিনটোতে সংবিধান সভাই দেৱনাগিৰি লিপিত লিখা হিন্দী ভাষাক দেশৰ ৰাজভাষা হিচাপে গ্ৰহণ কৰিছিল। সম্প্ৰতি হিন্দী বিশ্বৰ বহুলভাৱে প্রচলিত ভাষাসমূহৰ অন্যতম আৰু ৫২ কোটিৰো অধিক লোকৰ প্ৰথম ভাষা। এই উপলক্ষে কেন্দ্রীয় গৃহমন্ত্রী অমিত শ্বাহে দেশবাসীক শুভেচ্ছা জ্ঞাপন কৰিছে। সামাজিক মাধ্যমৰ এটা বাৰ্তাত তেওঁ কয় যে সকলো ভাৰতীয় ভাষাই দেশৰ গৌৰৱ আৰু ঐতিহ্য। এই ভাষাসমূহৰ উন্নতি অবিহনে দেশৰ প্ৰগতি সম্ভৱ নহয়। ৰাজভাষা হিচাপে হিন্দীৰ সৈতে সকলো ভাৰতীয় ভাষাৰ সম্পর্ক আছে। তেওঁ কয় যে এই বছৰ হিন্দী ভাষাই ৰাজভাষা হিচাপে স্বীকৃতি লাভ কৰাৰ ৭৫ বছৰ সম্পূৰ্ণ হ’ব আৰু হিন্দী ভাষাই ৰাষ্ট্ৰীয় একতা তথা সংযোগী ভাষা হিচাপে গুৰুত্বপূৰ্ণ ভূমিকা পালন কৰি আহিছে। কেন্দ্ৰীয় গৃহমন্ত্ৰীগৰাকীয়ে সকলো ভাৰতীয় ভাষাৰ সমৃদ্ধি কামনা কৰাৰ লগতে হিন্দী ভাষাই দেশৰ বিকাশত বিশেষ ভূমিকা ল’ব বুলিও আশা প্রকাশ কৰে।