ভাৰতীয় বতৰ বিজ্ঞান বিভাগে পৰৱৰ্তী চাৰিটা দিনত দেশৰ উত্তৰ পশ্চিম, পশ্চিম, পূব আৰু মধ্য অংশত ধাৰাষাৰ বৰষুণ হোৱাৰ আগলি বতৰা দিছে। দক্ষিণ ভাৰততো কাইলৈপৰ্যন্ত ধাৰাষাৰ বৰষুণ হ’ব বুলি অনুমান কৰা হৈছে। বিভাগে ২৩ আগষ্টপর্যন্ত জম্মু, হিমাচল প্রদেশ, উত্তৰাখণ্ড আৰু উত্তৰ প্ৰদেশতো মুষলধাৰ বৰষুণ হোৱাৰ আগজাননী দিছে। দক্ষিণ বাংলাদেশ তথা নিকটৱৰ্তী অঞ্চলসমূহৰ ওপৰত সৃষ্টি হোৱা নিম্নচাপ আজিও অব্যাহত থাকিব বুলি বিভাগে জানিবলৈ দিছে। এই নিম্নচাপ পৰৱৰ্তী ২৪ ঘণ্টাৰ ভিতৰত উত্তৰ- উত্তৰ পশ্চিম দিশে গতি কৰাৰ সম্ভাৱনা আছে। এই নিম্নচাপ পৰৱৰ্তী ৩-৪ দিনৰ ভিতৰত পশ্চিম-উত্তৰ পশ্চিম দিশে গতি কৰিব আৰু ইয়াৰ ফলত পশ্চিমবংগ, ঝাৰখণ্ড, বিহাৰ, উত্তৰ প্ৰদেশ আৰু মধ্যপ্ৰদেশত বৰষুণ হ’ব বুলি বিভাগে প্ৰকাশ কৰিছে।