আৰক্ষী সঞ্চালকপ্ৰধান হৰমিত সিং, আৰক্ষী আয়ুক্ত পার্থসাৰথি মহন্তৰ উপস্থিতিত যোৱা নিশা অসম আৰক্ষীৰ উলুবাৰীৰ মুখ্য কাৰ্যালয়ত মহানগৰীত মাহটোত সংঘটিত অপৰাধৰ পৰ্যালোচনা কৰা হয়। বৈঠকত উপস্থিত থাকি প্ৰচিকিউচন সঞ্চালকালয়ৰ সঞ্চালক মাখন ফুকনে অভিযুক্তক গ্ৰেপ্তাৰৰ সময়ত আৰু গ্ৰেপ্তাৰৰ পাছত আৰক্ষীয়ে পালন কৰিবলগীয়া বাধ্যবাধকতাসমূহৰ বিষয়ে বিশদভাৱে উল্লেখ কৰে। শ্ৰীফুকনে লগতে ভাৰতীয় নাগৰিক সুৰক্ষা সংহিতাৰ জৰিয়তে প্ৰৱৰ্তন কৰা নতুন বিধি-ব্যৱস্থাসমূহৰ ব্যাখ্যা আগবঢ়ায়।