জি-৭ ৰাষ্ট্ৰগোষ্ঠীৰ সদস্য ৰাষ্ট্ৰসমূহে ইটালীত অনুষ্ঠিত বাৰ্ষিক শীৰ্ষ সন্মিলনৰ কালি অন্তিম দিনা এটা যৌথ বিবৃতি যোগে চীনৰ অসাধু ব্যৱসায় প্ৰথাৰ সন্মুখীন হোৱাৰ বাবে প্ৰতিশ্ৰুতিবদ্ধতা প্রকাশ কৰিছে। এই অসাধু প্ৰথাসমূহে চীনৰ শ্ৰমিক আৰু উদ্যোগসমূহক দুৰ্বল কৰি তুলিছে। জি-ছেভেন ৰাষ্ট্ৰসমূহে লগতে ইউক্রেইন বিৰোধী যুঁজৰ বাবে অস্ত্ৰ-শস্ত্ৰ আহৰণ কৰাৰ ক্ষেত্ৰত ৰাছিয়াক সহায় কৰিলে চীনৰ বিত্তীয় প্ৰতিষ্ঠানসমূহৰ বিৰুদ্ধে ব্যৱস্থা গ্ৰহণ কৰা হ’ব বুলি সকীয়াই দিয়ে। যৌথ বিবৃতিটোত জি-ছেভেন ৰাষ্ট্ৰগোষ্ঠীয়ে চীনৰ ক্ষতিসাধন অথবা বিকাশ ব্যাহত কৰা নাই বৰং ব্যৱসায়ীসকলক অসাধু প্রধাৰ পৰা ৰক্ষা কৰাৰ আৰু সমস্যা সমাধানৰ প্ৰয়াস চলাই আহিছে। জি-ছেভেন ৰাষ্ট্ৰসমূহে নিজৰ বিবৃতিত ভাৰত-মধ্যপ্রাচ্য-ইউৰোপ অর্থনৈতিক কৰিড’ৰৰ দৰে বিশেষ আন্তঃগাঁথনি প্রকল্পসমূহৰ প্ৰতি সমর্থন আগবঢ়োৱাৰ প্ৰতিশ্ৰুতি প্ৰদান কৰিছে। ৰাষ্ট্ৰসংঘৰ পেলেষ্টাইনী শৰণাৰ্থী সংস্থাক যুদ্ধজৰ্জৰ গাজাত কোনো ধৰণৰ বাধা অবিহনে কাম কৰাৰ অনুমতি প্ৰদান কৰিব লাগে বুলিও জি-ছেভেন ৰাষ্ট্ৰৰ নেতাসকলে মত প্ৰকাশ কৰিছে।