ৰাজস্থান ৰয়েলছে যোৱা নিশা আহমেদাবাদৰ নৰেন্দ্ৰ মোডী ষ্টেডিয়ামত অনুষ্ঠিত আই পি এল ক্রিকেট প্রতিযোগিতাৰ তীব্ৰ প্ৰতিদ্বন্দ্বিতামূলক এলিমিনেটৰ খেলখনত ৰয়েল চেলেঞ্জাৰ্ছ বেংগালুৰুক চাৰি উইকেটত পৰাস্ত কৰে। বেংগালুৰুৰ দলটোৱে প্ৰথমে বেট ধৰাৰ আমন্ত্ৰণ লাভ কৰি নিৰ্ধাৰিত ২০ অ’ভাৰত ৮ উইকেটৰ বিনিময়ত ১৭২ ৰাণ সংগ্ৰহ কৰে। প্ৰত্যুত্তৰত ৰাজস্থান ৰয়েলছে ১৯ অ’ভাৰত ছটা উইকেট হেৰুৱাই ১৭৪ ৰাণ কৰে। ৰাজস্থান ৰয়েলছৰ হৈ যশস্বী জয়ছোৱালে ৩০ টা বলত ৪৫ আৰু ৰিয়ান পৰাগে ২৬ টা বলত ৩৬ ৰান সংগ্ৰহ কৰে। খেলখনত ৰবিচন্দ্রন অশ্বিনক প্লেয়াৰ অব্ দা মেচ প্ৰদান কৰা হয় ৷ৰাজস্থান ৰয়েলছ কাইলৈ হ’বলগীয়া দ্বিতীয়খন কোৱালিফায়াৰত ছানৰাইজাৰ্ছ হায়দাবাদৰ সন্মুখীন হ’ব। এই খেলখনত জয়লাভ কৰা দলটো দেওবাৰে ফাইনেলত কলকাতা নাইট ৰাইডাৰ্ছৰ বিৰুদ্ধে অৱতীৰ্ণ হ’ব।