● কেন্দ্ৰীয় চৰকাৰে উত্তৰ-পূৰ্বাঞ্চলৰ গ্ৰাম্য পথ যোগাযোগ সুদৃঢ় কৰাৰ লগতে অর্থনৈতিক বিকাশ ত্বৰান্বিত কৰাৰ উদ্দেশ্যৰে অসম আৰু ত্ৰিপুৰাৰ বাবে কেইবাটাও প্রকল্পত অনুমোদন জনাইছে। গ্রামোন্নয়ন মন্ত্রালয়ে ৩৭৮ কোটিৰো অধিক টকা বিনিয়োগেৰে অসমত প্রধানমন্ত্রী গ্রাম সড়ক যোজনাৰ অধীনত ৫৬৩ কিলোমিটাৰ দৈৰ্ঘ্যৰ ৭৮টা পথ আৰু ১৪খন দলং নিৰ্মাণত অনমোদন জনাইছে। মন্ত্ৰালয়ে ত্ৰিপুৰাৰ বাবে ১১৪ কোটি টকা বিনিয়োগেৰে ১১৮ কিলোমিটাৰ দৈৰ্ঘ্যৰ ৪২টা পথ নিৰ্মাণত অনুমোদন জনাইছে। মন্ত্রালয়ে কৈছে যে এই প্রকল্পসমূহে স্বাস্থ্য, শিক্ষা আৰু বাণিজ্যৰ দৰে অত্যাৱশ্যকীয় সেৱাসমূহৰ সুবিধা উন্নত কৰাৰ লগতে গ্রামাঞ্চলত সংযোগ বৃদ্ধি কৰিব। মন্ত্ৰালয়ৰ মতে এই প্রকল্পসমূহে ত্ৰিপুৰাত বসবাস কৰা বিশেষভাৱে দুৰ্বল জনজাতিয় গোটসমূহৰ আৰ্থ-সামাজিক অৱস্থা উন্নত কৰাতো অৰিহণা যোগাব।