বিদেশ পৰিক্ৰমা মন্ত্ৰী ড° এছ জয়শংকৰ দোহা মঞ্চত ভাগ লোৱাৰ উদ্দেশ্যে আজি কাটাৰলৈ যাব। দোহা মঞ্চৰ ২২ সংখ্যক সংস্কৰণৰ বিষয়বস্তু হৈছে উদ্ভাৱন অনিবার্য। বিদেশমন্ত্ৰীগৰাকীয়ে কাইলৈ বাহৰেইনত হ’বলগীয়া চতুৰ্থ ভাৰত-বাহৰেইন উচ্চ যুটীয়া আয়োগৰ বৈঠকত দেশখনৰ বিদেশমন্ত্ৰী ড° আব্দুল্লা টিফ বিন ৰচিদ অল জয়ানীৰ সৈতে সহ অধ্যক্ষতা কৰিব। এই মন্ত্ৰী পৰ্যায়ৰ বৈঠকত ভাৰত আৰু বাহৰেইনৰ মাজত বিভিন্ন দ্বিপাক্ষিক সম্বন্ধক অধিক শক্তিশালী কৰাৰ বিষয় সন্দৰ্ভত পর্যালোচনা কৰা হ’ব। ড° জয়শংকৰে কাইলৈ বাহৰেইনত IISS মানামা আলোচনাতো ভাগ ল’ব।