ড্ৰাগছৰ বিৰুদ্ধে অসম আৰক্ষীৰ অভিযান অব্যাহত আছে। কালি অসম আৰক্ষীয়ে দুটা পৃথক অভিযানত বুজন পৰিমাণৰ নিচাযুক্ত টেবলেট জব্দ কৰিবলৈ সক্ষম হয়। কালি বিয়লি কৰিমগঞ্জত অসম আৰক্ষীৰ বিশেষ কাৰ্য বাহিনীৰ মহাপৰিদৰ্শক পাৰ্থ সাৰথি মহন্তৰ নেতৃত্বত চলা এটা অভিযানত প্ৰায় ৬৬ কোটি টকা মূল্যৰ নিচাযুক্ত টেবলেট জব্দ কৰে। ঘটনা সন্দৰ্ভত আৰক্ষীয়ে ৩টা সৰবৰাহকাৰীক আটক কৰিছে। ইপিনে কাৰ্বি আংলঙত কালি আৰক্ষীয়ে অভিযান চলাই এখন ব্যক্তিগত বাহনৰ পৰা ৩৬ হাজাৰ নিচাযুক্ত টেবলেট জব্দ কৰে।