স্বচ্ছতাই সেৱা কাৰ্যসূচীৰ অংশ হিচাপে আজি কেন্দ্ৰীয় মন্ত্ৰী সৰ্বানন্দ সোণোৱালে ডিব্ৰুগড়ত কেইবাটাও কাৰ্যসূচীত অংশগ্ৰহণ কৰে। অনুষ্ঠানত অংশ লৈ তেওঁ কয় যে, এখন সুস্থ সৱল সমাজ গঢ়ি তোলাৰ বাবে সকলোকে স্বচ্ছতাক দৈনন্দিন জীৱনৰ অংগ হিচাপে আঁকোৱালি ল’ব লাগিব। মন্ত্ৰীগৰাকীয়ে ডিব্ৰুগড় অসামৰিক চিকিৎসালয়ত স্বচ্ছতাৰ বাবে জনঅংশীদাৰ কাৰ্যসূচীত অংশ লৈ পৰিৱেশ স্বচ্ছ আৰু নিকাকৈ ৰখাৰ বাবে প্ৰতিগৰাকী নাগৰিকক দায়বদ্ধ আৰু সংকল্পবদ্ধ হ’বলৈ আহ্বান জনাই তেওঁ চিকিৎসালয়খনত স্বচ্ছতা অভিযানত প্ৰত্যক্ষভাৱে অংশ লয়। মন্ত্ৰীগৰাকীয়ে চাফাই মিত্ৰ সুৰক্ষা শিবিৰৰো শুভাৰম্ভ কৰে। তেওঁ কয় যে, পৰিষ্কাৰ-পৰিচ্ছন্নতাৰ দিশত জনসাধাৰণৰ একোটি পদক্ষেপে দেশক স্বচ্চ আৰু সুস্থ কৰি তোলাত সহায় কৰিব। ইয়াৰ বাবে সকলোৱে চাফাই কৰ্মীৰ ভূমিকা পালন কৰিব লাগিব বুলি মন্ত্ৰীগৰাকীয়ে মন্তব্য কৰে।