জম্মু-কাশ্মীৰৰ পহলগামত পাকিস্তান সমর্থিত সন্ত্রাসবাদীয়ে কৰা নৃশংস আক্ৰমণত ডিব্ৰুগড়ৰ সামাজিক অনুষ্ঠান চেণ্টাৰ ফ’ৰ ইছলামিক ষ্টাডিজে বিৰোধিতা কৰিছে। সভাপতি চেহিৰ আহমদ আৰু সম্পাদক এম হাছিম আলীয়ে এনে দুষ্কাৰ্যক কঠোৰ ভাষাৰে গৰিহণা দিয়াৰ লগতে নিৰীহ লোকসকলৰ দুখ-যন্ত্ৰণাত সহমর্মিতা প্রকাশ কৰিছে। ইছলামিক ষ্টাডিজে মৃতসকলৰ বিদেহ আত্মাৰ শান্তি কামনা কৰাৰ লগতে দোষীক উপযুক্ত শাস্তি বিহিবলৈ চৰকাৰৰ প্ৰতি আহ্বান জনাইছে।
ইপিনে, পহলগামৰ ঘটনাক তিনিচুকীয়া জিলাৰ ডুমডুমা চেম্বাৰ্ছ অব কমার্ছেও তীব্ৰ গৰিহণা দিছে। আক্ৰমণত নিহত লোকসকলৰ প্ৰতি শ্ৰদ্ধা জনাই আয়োজন কৰা অনুষ্ঠানত অংশগ্ৰহণ কৰি ডুমডুমা ছেম্বাৰ্ছ অব কমাৰ্চৰ সভাপতিয়ে কালি এই বিষয়ত প্রতিক্রিয়া প্রকাশ কৰে। তেওঁ এই ঘটনাৰ সৈতে জড়িত সন্ত্ৰাসবাদীসকলক কঠোৰ হাতেৰে দমন কৰিবলৈ কেন্দ্ৰীয় চৰকাৰক দাবী জনায়।