অসমৰ আগশাৰীৰ সংবাদপত্র দৈনিক অসমে কাইলৈ ৬০ বছৰত পদার্পণ কৰিব। সিংহপুৰুষ বাধাগোবিন্দ বৰুৱাই প্ৰতিষ্ঠা কৰি থৈ যোৱা এই কাকতে বিগত ছটা দশকজুৰি ৰাজ্যখনৰ জাতীয় জীৱনত প্ৰভাৱ বিস্তাৰ কৰি আহিছে। দি আছাম ট্ৰিবিউন কাকতগোষ্ঠীৰ পৰা প্ৰকাশিত কাকতখনে অসমীয়া ভাষা-সাহিত্যৰ উৎকৰ্ষ সাধনতো বৰঙণি আগবঢ়াই আহিছে। কাইলৈৰ পৰা অহা বছৰৰ ৩ আগষ্ট পর্যন্ত বর্ণাঢ্য কাৰ্যসূচীৰে কাকতখনে হীৰক জয়ন্তী বৰ্ষ উদযাপন কৰিব। কাইলৈ দিনৰ ১০ বজাত আছাম ট্ৰিবিউন প্রতিষ্ঠান চৌহদত পতাকা উত্তোলনেৰে কাৰ্যসূচী আৰম্ভ কৰা হ’ব। বিয়লি উজানবজাৰৰ বিবেকানন্দ প্ৰেক্ষাগৃহত উদ্বোধনী সভাৰ আয়োজন কৰা হৈছে। এই অনুষ্ঠানত কেইবাগৰাকীও বিশিষ্ট ব্যক্তি উপস্থিত থাকিব ।