কামৰূপ মহানগৰ জিলা সত্ৰ ন্যায়াধীশৰ আদালতে উৎকোচ লৈ হাতে-লোটে গ্ৰেপ্তাৰ হোৱা কাৰ্যবাহী অভিযন্তা জয়ন্ত গোস্বামীক আজি ৪ দিনৰ বাবে তদাৰকী আৰু দুৰ্নীতি নিবাৰক সঞ্চালকালয়ৰ জিম্মালৈ প্ৰেৰণ কৰিছে। বিলৰ ধন মোকলাই দিয়াৰ নামত কালি হেঙেৰাবাৰীৰ এখন হোটেলত ২০ হেজাৰ টকা উৎকোচ লওঁতেই সঞ্চালকালয়ে কার্যবাহী অভিযন্তা গোস্বামীক গ্ৰেপ্তাৰ কৰিছে। উল্লেখযোগ্য যে, অভিযুক্ত গোস্বামীৰ বাসগৃহৰ পৰা তদন্তকাৰী দলে ইতিমধ্যে প্রায় ৮০ লাখ টকা উদ্ধাৰ কৰিছে। জানিব পৰা মতে ধৃত কাৰ্যবাহী অভিযন্তা গোস্বামীৰ সা-সম্পত্তি সন্দৰ্ভতো সঞ্চালকালয়ে তদন্ত আৰম্ভ কৰিব।