মহিলা প্রিমিয়াৰ লীগৰ এখন খেলত আজি ইউ পি ৱাৰিয়ৰ্ছ মুম্বাই ইণ্ডিয়ানছৰ মুখামুখি হ‘ব। লক্ষ্ণৌৰ একানা ক্রিকেট ষ্টেডিয়ামত খেলখন সন্ধিয়া চাৰে ৭ বজাত আৰম্ভ হৈছে। উল্লেখযোগ্য যে মুম্বাই ইণ্ডিয়ানছ ৬ পইণ্টেৰে পইণ্ট তালিকাৰ তৃতীয় স্থান আছে আৰু ইউ পি ৱাৰিয়ৰ্ছ ৪ পইণ্টেৰে পঞ্চম স্থান আছে। অহা ১১ মাৰ্চত লীগ পৰ্যায়ৰ খেলৰ অন্ত পৰিব। পইণ্ট তালিকাৰ শীৰ্ষ স্থানৰ দলটোৱে পোনপটীয়াকৈ ফাইনেল খেলাৰ সুযোগ লাভ কৰিব। দ্বিতীয় আৰু তৃতীয় স্থানত থকা দল দুটাই ১৩ মাৰ্চত এখন প্লে অফ খেলত অৱতীৰ্ণ হ‘ব আৰু বিজয়ী দলটোৱে ফাইনেললৈ যোগ্যতা অৰ্জন কৰিব। মহিলা প্রিমিয়াৰ লীগৰ এইবাৰৰ চূড়ান্ত খেলখন ১৫ মাৰ্চত খেলোৱা হ‘ব।