ভয়াৱহ ঘূৰ্ণী বতাহ ৰেমলৰ পৰা উদ্ভৱ হোৱা পৰিস্থিতিৰ সৈতে মোকাবিলা কৰিবলৈ ভাৰতীয় উপকূলৰক্ষী বাহিনীয়ে কেন্দ্ৰীয় আৰু ৰাজ্যিক সংস্থাসমূহলৈ সহযোগিতা আগবঢ়াইছে। বংগোপ সাগৰত সৃষ্টি হোৱা নিম্নচাপ ২২ মে’ত ঘূৰ্ণী বতাহলৈ ৰূপান্তৰিত হৈছিল আৰু তাৰ পাছতেই পশ্চিমবংগ আৰু বাংলাদেশৰ উপকূলত প্ৰৱেশ কৰিছিল। প্ৰতিৰক্ষা মন্ত্ৰ্যালয়ে এটা বিবৃতিযোগে কৈছে যে উপকূলৰক্ষী বাহিনীৰ উত্তৰ-পূব সংমণ্ডলৰ মুখ্য কাৰ্যালয়ে পূৰ্বে নিৰ্ধাৰণ কৰা অনুসৰি বিভিন্ন কেন্দ্ৰীয় আৰু ৰাজ্যিক সংস্থাৰ সৈতে সমন্বয় নিশ্চিত কৰিছে যাতে সাগৰত কোনোধৰণৰ প্ৰাণ বা সম্পত্তিৰ ক্ষতি নহয় আৰু প্ৰতিকুল পৰিস্থিতিৰ সৃষ্টি নহয়। ভাৰতীয় উপকূলৰক্ষী বাহিনীৰ হলদিয়া আৰু পাৰাদ্বীপ ষ্টেচনৰ পৰা ঘূৰ্ণী বতাহজাকৰ আগজাননী দিয়া হৈছিল আৰু মাছ ধৰা নাও বা বাণিজ্যিক জাহাজসমূহৰ চলাচলত নিষেধাজ্ঞা আৰোপ কৰা হৈছিল। উল্লেখযোগ্য যে ভুৱনেশ্বৰৰ পৰা দুখন আই চি জি ডনিয়াৰ বিমানে বংগোপসাগৰৰ উত্তৰ অঞ্চলত নিৰীক্ষণ চলাইছিল।