■ মুখ্যমন্ত্রী হিমন্ত বিশ্ব শর্মাই সমগ্ৰ দেশতে ৰাষ্ট্ৰীয় নাগৰিক পঞ্জীৰ উন্নীতকৰণৰ পোষকতা কৰিছে। কালি গুৱাহাটীত সাংবাদিকেৰে হোৱা বাৰ্তালাপত মুখ্যমন্ত্ৰীগৰাকীয়ে কয় যে, এন আৰ চিৰ বিষয়টো এতিয়া কেৱল অসমৰ সমস্যা বা বিষয় নহয়। এইটো এটা ৰাষ্ট্ৰীয় পৰ্যায়ৰ সমস্যা। সেয়ে ৰাষ্ট্ৰীয় পৰ্যায়ত এন আৰ চি যুগুতৰ বিষয়টোক লৈ সংসদত মুকলিমুৰীয়াকৈ আলোচনা হ’ব লাগে। তেওঁ কয় যে, ৰাজ্য চৰকাৰে যিদৰে শুদ্ধ এন আৰ চি বিচাৰি আছে তথা ২০ শতাংশ পুনৰীক্ষণৰ সুবিধা দিব লাগে বুলি কৈ আছে, ঠিক তেনেকৈ ঝাৰখণ্ড বা অন্য ৰাজ্যতো এন আৰ চি হ’ব লাগে। বিদেশী এতিয়া কেৱল অসমতে থাকে বুলি কোনো কথা নাই বুলি উল্লেখ কৰি মুখ্যমন্ত্ৰী শৰ্মাই কয় যে, বিদেশী অসম বা পশ্চিমবংগৰে সোমাই ভাৰতৰত যিকোনো ৰাজ্য লৈ গৈ আধাৰ কাৰ্ড বনাই আকৌ অসমলৈ ঘূৰি আহিব পাৰে। সেয়ে বিষয়টোৰ গুৰুত্ব বুজি সৰ্বভাৰতীয় পৰ্যায়ত এন আৰ চি সন্দৰ্ভত আলোচনা হ’ব লাগে বুলিও তেওঁ কয়।