মুখ্যমন্ত্রী ড° হিমন্ত বিশ্ব শৰ্মাই কালি চুবুৰীয়া ৰাষ্ট্ৰ ভূটানত গেলফু মাইণ্ডফুলনেছ চিটী প্ৰকল্পৰ বুজ লয়। এই সময়ছোৱাত দ্রুক হ’ল্ডিং এণ্ড ইনভেষ্টমেন্ট লিমিটেডে পৰিৱেশ সংৰক্ষণৰ লগতে অর্থনৈতিক উন্নয়নৰ বাবে গ্ৰহণ কৰি অহা ভূমিকাৰ বিষয়েও উদ্যোক্তাসকলে মুখ্যমন্ত্ৰীক অৱগত কৰে। এই ভ্ৰমণকালত মুখ্যমন্ত্ৰীগৰাকীয়ে অসমত অনুষ্ঠিত হ‘বলগীয়া এডভান্টেজ আছাম টু পইণ্ট জিৰো শীৰ্ষক আন্তঃগাঁথনি আৰু বিনিয়োগ সন্মিলনত অংশগ্ৰহণৰ বাবে বিভিন্ন অংশীদাৰী আৰু উদ্যোগীসকলক আমন্ত্ৰণ জনায়। মুখ্যমন্ত্রীয়ে এই ভ্রমণকালতে বিশিষ্ট শিক্ষাবিদ অৰুণ কাপুৰৰ সৈতেও বার্তালাপত মিলিত হয়। তেওঁ কালি ভূটানৰ আধ্যাত্মিক আৰু সাংস্কৃতিক কেন্দ্ৰ, ঐতিহাসিক চিমটখা জঙত উপস্থিত হৈ প্ৰাৰ্থনা জনায়।