মুখ্যমন্ত্রী হিমন্ত বিশ্ব শৰ্মাই কালি শেহতীয়া ঘূৰ্ণীবতাহ ৰীমালত ৰাজ্যখনত হোৱা ক্ষয়-ক্ষতিৰ বুজ লয়। নতুন দিল্লীৰ অসম ভৱনৰ পৰা ৰাজ্যৰ মুখ্য সচিব ড° ৰবি কোটা, এ পি ডি চি এল কর্তৃপক্ষ, ৰাষ্ট্ৰীয় ঘাইপথ-দুৰ্যোগ ব্যৱস্থাপনা কর্তৃপক্ষ তথা ক্ষতিগ্ৰস্ত জিলাসমূহৰ আয়ুক্তসকলৰ সৈতে ভিডিঅ’ কনফাৰেন্সিং যোগে এখন পৰ্যালোচনা বৈঠকত মিলিত হয়। মুখ্যমন্ত্ৰীয়ে আয়ুক্তসকলক ক্ষতিগ্রস্ত পৰিয়ালক যাৱতীয় সাহায্য প্ৰদানৰ লগতে উদ্ধাৰ অভিযান খৰতকীয়া কৰাৰ নিৰ্দেশ দিয়ে। তদুপৰি কুৰি বান্ধৰ পানী এৰাৰ সন্দৰ্ভত ভূটানৰ সৈতে বৰপেটা, চিৰাং আৰু বাক্সা জিলাৰ আয়ুক্তক যোগাযোগ ৰখাৰ নিৰ্দেশ দিয়ে। যাতে এই বান্ধৰ পানী এৰাৰ পূৰ্বেই জিলা প্ৰশাসনে যাৱতীয় ব্যৱস্থা গ্ৰহণ কৰিব পাৰে।