কেন্দ্ৰীয় চৰকাৰে প্ৰতিযোগিতামূলক পৰীক্ষাত অসৎ পন্থা অৱলম্বন কৰাৰ ঘটনা আৰু অনিয়ম ৰোধ কৰাৰ উদ্দেশ্যে এখন কঠোৰ আইন প্ৰণয়ন কৰিছে। এই আইনখনত দোষীসকলক সৰ্বাধিক ১০ বছৰ কাৰাদণ্ডৰ আৰু ১ কোটি টকা পৰ্যন্ত জৰিমনা বিহাৰ ব্যৱস্থা কৰা হৈছে। কৰ্মচাৰী মন্ত্ৰ্যালয় আনুষ্ঠানিক ৰাজপত্ৰ অধিসূচনা যোগে এই আইনৰ ব্যৱস্থাসমূহ কালিৰে পৰা প্ৰযোয্য হৈছে। সার্বজনীন পৰীক্ষা অসৎপন্থা নিয়ন্ত্রণ বিধেয়ক ২০২৪, ৬ ফেব্ৰুৱাৰীত লোকসভা আৰু ৯ ফেব্ৰুৱাৰীত ৰাজ্যসভাত গৃহীত হৈছিল। ৰাষ্ট্ৰপতি শ্ৰীমতী দ্রৌপদী মুর্মুৱে ১২ ফেব্ৰুৱাৰীত বিধেয়কখনত অনুমোদন জনাইছিল। কেন্দ্রীয় লোকসেৱা আয়োগ, কৰ্মচাৰী চয়ন আয়োগ, ৰাষ্ট্ৰীয় পৰীক্ষণ সংস্থা, ৰে’লৱে নিযুক্তি পৰিষদ, বেংক নিযুক্তি পৰীক্ষা নিকায় আৰু অন্যান্য সংস্থাই আয়োজন কৰা পৰীক্ষাসমূহত অসৎ পন্থা নিয়ন্ত্ৰণৰ উদ্দেশ্যে এই আইনখন প্ৰস্তুত কৰা হৈছে। আইনখনত প্ৰৱঞ্চনাৰ ঘটনা ৰোধ কৰাৰ বাবে কমেও ৩ বছৰ কাৰাদণ্ড বিহাৰ ব্যৱস্থা কৰা হৈছে। ইয়াৰ উপৰি প্ৰৱঞ্চনাৰ সংগঠিত অপৰাধৰ সৈতে জড়িতসকলক ৫ ৰ পৰা ১০ বছৰৰ কাৰাদণ্ড আৰু কমেও ১ কোটি টকাৰ জৰিমনা বিহাৰ ব্যৱস্থা কৰা হৈছে।