আৰক্ষী সঞ্চালকপ্ৰধান জি পি সিঙে মোবাইল ফোন হেৰালে বা চুৰি হ’লে নিজাকৈ অথবা আৰক্ষী থানাৰ জৰিয়তে কেন্দ্ৰীয় চৰকাৰৰ দূৰ সংযোগ বিভাগৰ CEIR প’ৰ্টেলত হেৰুওৱা মোবাইলটোৰ IMEI নম্বৰ তথা মোবাইল নম্বৰ পঞ্জীয়ন কৰিবলৈ জনসাধাৰণলৈ আহ্বান জনাইছে। তেওঁ লগতে পুৰণি মোবাইল ক্ৰয় কৰাৰ বাবে আগ্ৰহী লোকসকলক মোবাইটোৰ IMEI নম্বৰ সংশ্লিষ্ট প’ৰ্টেলত পৰীক্ষা কৰি ল’বলৈ আহ্বান জনাইছে। উল্লেখযোগ্য যে, মহানগৰ আৰক্ষীয়ে বিভিন্ন সময়ত উদ্ধাৰ কৰা ৬৫০টা চুৰি মোবাইল ফোন আৰু ১৬টা লেপটপ আজি পাণবজাৰত থকা গুৱাহাটী আৰক্ষী আয়ুক্তৰ কাৰ্যালয়ত জনসাধাৰণৰ সুবিধাৰ্থে প্ৰদৰ্শন কৰে। আনহাতে, গুৱাহাটীকে ধৰি নগৰ অঞ্চলত সংঘটিত হোৱা মোবাইল ফোন তথা ডিঙিৰ অলংকাৰ কাঢ়ি নিয়া আদি অপৰাধৰ বিৰুদ্ধে বিশেষ অভিযান চলাবলৈ আৰক্ষীক নিৰ্দেশ দিয়া হৈছে বুলিও তেওঁ সদৰী কৰে।