অর্থনৈতিক পৰিক্ৰমা বিষয়ক কেবিনেট কমিটীয়ে প্রায় ৭ হাজাৰ ৯২৭ কোটি টকা ব্যয়েৰে ৰূপায়ণ কৰিবলগীয়া ৰে’ল মন্ত্ৰ্যালয়ৰ তিনিটা প্ৰকল্পত অনুমোদন দিছে। ইয়াত ১৬০ কিলোমিটাৰ দৈৰ্ঘ্যৰ মনমাদ-জলগাঁও ৰে’লপথচোৱাৰ চতুৰ্থটো লাইন, ১৩১ কিলোমিটাৰ দৈৰ্ঘ্যৰ ভুছাৱল-খান্দৱা ৰে’লপথচোৱাৰ তৃতীয় আৰু চতুৰ্থটো লাইন তথা ৮৪ কিলোমিটাৰ দৈৰ্ঘ্যৰ প্ৰয়াগৰাজ-মাণিকপুৰ ৰে’লপথচোৱাৰ তৃতীয়টো লাইন সামৰি লোৱা হৈছে। কেন্দ্ৰীয় মন্ত্ৰী অশ্বিনী বৈষ্ণৱে কৈছে যে দুহেজাৰ ৭৭৩ কোটি টকা ব্যয়েৰে ৰূপায়ণ কৰিবলগীয়া মনমাদ-জলগাঁও প্ৰকল্পটোৱে বিশেষকৈ মহাৰাষ্ট্ৰৰ বন্দৰসমূহৰ পৰা যাত্ৰী তথা সামগ্ৰী পৰিবহণত সহায় কৰিব। তেওঁ লগতে কয় যে, ৩ হাজাৰ ৫১৪ কোটি টকা ব্যয়েৰে ৰূপায়ণ কৰিবলগীয়া ভুছাৱল-খান্দৱা প্ৰকল্পটোৱে যাত্ৰী পৰিবহণৰ সামৰ্থ বৃদ্ধি কৰিব। ইপিনে, এহেজাৰ ৬৪০ কোটি টকা ব্যয়েৰে ৰূপায়ণ কৰিবলগীয়া প্ৰয়াগৰাজ-মাণিকপুৰ প্ৰকল্পটোৱে উত্তৰ প্ৰদেশৰ পূৰ্বাঞ্চলক মধ্যপ্ৰদেশৰ বাঘেলখণ্ডৰ সৈতে সংযোগ কৰিব। এই ৰে’লপথসমূহ কৃষিজাত সামগ্ৰী, সাৰ, কয়লা, তীখা, চিমেণ্ট আদিৰ পৰিবহণত বিশেষ সহায়ক হ’ব বুলি আশা কৰা হৈছে।