ফ্ৰান্সত আজিৰে পৰা কাঁ চলচ্চিত্ৰ মহোৎসৱৰ ৭৭ সংখ্যক সংস্কৰণ অনুষ্ঠিত হৈছে। ১২ দিনীয়া কাৰ্যসূচীৰে আয়োজিত এইবাৰৰ কাঁ চলচ্চিত্ৰ মহোৎসৱত সাতখনকৈ ভাৰতীয় বোলছবি প্রদর্শিত হ’ব। এই বোলছবিকেইখন হৈছে ALL WE IMAGINE AS LIGHT, SANTOSH, SUNFLOWERS WERE THE FIRST ONES TO KNOW, MANTHAN, SISTER MID NIGHT, RETREAT, THE SHAME LESS। দেশে প্রথমবাৰৰ বাবে এই মহোৎসৱত ভাৰতপৰ্ব কাৰ্যসূচীৰ আয়োজন কৰিব। ভাৰতপর্বতে চলিত বৰ্ষৰ ২০ৰ পৰা ২৮ নৱেম্বৰলৈকে গোৱাত হ’বলগীয়া ৫৫সংখ্যক আন্তঃৰাষ্ট্ৰীয় চলচ্চিত্র মহোৎসৱ ২০২৪ৰ পোষ্টাৰ আৰু ট্ৰেইলাৰ আনুষ্ঠানিকভাৱে মুকলি কৰা হ’ব। কাঁ চলচ্চিত্ৰ মহোৎসৱত থকা ভাৰত পেভিলিয়ন ভাৰতীয় চলচ্চিত্ৰৰ সৈতে জড়িত লোকসকলক মহোৎসৱৰ সময়ছোৱাত বিভিন্ন অনুষ্ঠানত অংশগ্ৰহণ কৰাৰ ক্ষেত্ৰত সহায়ক হ’ব।