দেশৰ ১১ খন ৰাজ্যৰ ৩৩ টা বিধানসভা সমষ্টি আৰু কেৰালাৰ ৱায়ানাড় লোকসভা আসনখনৰ উপ-নিৰ্বাচনৰ প্ৰচাৰ অভিযানৰ আজি সামৰণি পৰিছে। পৰহিলৈ অসমৰ ৫ খন, ৰাজস্থানৰ ৭ খন, পশ্চিমবংগৰ ছখন, বিহাৰৰ ৪ খন, কৰ্ণাটকৰ ৩ খন, মধ্য প্ৰদেশ আৰু ছিকিমৰ দুখনকৈ বিধানসভা আসনৰ বাবে উপ- নির্বাচন অনুষ্ঠিত হ’ব। ইয়াৰ লগতে কেৰালা, ছত্তিশগড়, গুজৰাট আৰু মেঘালয়ৰ এখনকৈ বিধানসভা আসনৰ বাবেও উপ-নির্বাচন অনুষ্ঠিত হ’ব। ইপিনে, উত্তৰ প্ৰদেশৰ ৯ টা বিধানসভা সমষ্টিৰ লগতে পাঞ্জাৱৰ চাৰিটা আৰু কেৰালা আৰু উত্তৰাখণ্ডৰ এটাকৈ সমষ্টি আৰু মহাৰাষ্ট্ৰৰ নন্দেড় সংসদীয় সমষ্টিৰ বাবে অহা ২০ নবেম্বৰত উপ-নির্বাচন অনুষ্ঠিত হ’ব। ২৩ নবেম্বৰত ভোটগণনা কৰা হ’ব।