ভাৰতৰ তনভি শৰ্মা বি ডব্লিউ এফ ৱৰ্ল্ড জুনিয়ৰ বেডমিণ্টন চেম্পিয়নশ্বিপৰ ১৯ বছৰ অনূৰ্ধ্ব শাখাৰ মহিলাৰ ছিংগলছৰ কোৱাৰ্টাৰ ফাইনেলত চীনৰ শ্বু ৱেন জিঙৰ হাতত ১৩-২১, ২১–১৯, ১৫-২১ গেমত পৰাভূত হয়। একেদৰে, ভাৰতৰ আন এগৰাকী খেলুৱৈ আলিছাও চীনৰে ডাই কিন য়িৰ হাতত ১৮-২১, ১৯-২১ গেমত পৰাজিত হৈ প্ৰতিযোগিতাৰ পৰা বাহিৰ হৈছে। তনভীয়ে কালি মহিলাৰ ১৯ বছৰ অনুৰ্দ্ধৰ ছিংগলছত জাপানৰ নীনা মাটছুটাক ২১–১৮, ২১-১৩ গেমত পৰাস্ত কৰে। একেদৰে আলিছাই এই একেই শিতানত মালয়েছিয়াৰ লিম ঝি শ্বিনক ২১-১৭, ২১-১৭ গেমত পৰাভূত কৰে।