কেন্দ্রীয় যোগাযোগ মন্ত্রী জ্যোতিৰাদিত্য সিন্ধিয়াই কৈছে যে, ভাৰত সঞ্চাৰ নিগম লিমিটেডে ফোৰ-জি নেটৱৰ্ক মুকলি কৰাৰ পাছৰে পৰা গ্ৰাহকৰ সংখ্যা বিগত ৬ মাহত ৭৫ লাখৰ পৰা ১ কোটি ৮০ লাখলৈ বৃদ্ধি পাইছে। নতুন দিল্লীত আজি ভাৰত সঞ্চাৰ নিগম লিমিটেড-বি এছ এন এলৰ নতুন লোগো আৰু ৭ প্ৰকাৰৰ নতুন সেৱা মুকলি মন্ত্ৰীগৰাকীয়ে এইদৰে প্ৰকাশ কৰে। তেওঁ কয় যে, ভাৰত নিজৰ ফোৰ জি নেটৱৰ্ক বিকশাই তোলা বিশ্বৰ ৬ খন দেশৰ ভিতৰত অন্যতম। এই নেটৱৰ্কক শীঘ্ৰে ফাইভ-জি লৈ ৰূপান্তৰ কৰা হব বুলি তেওঁ কয়।