ওড়িশাৰ ভুৱনেশ্বৰৰ কলিংগ ষ্টেডিয়ামত অনুষ্ঠিত পূব মণ্ডল জুনিয়ৰ ৰাষ্ট্ৰীয় এথলেটিকছ প্ৰতিযোগিতাত অসম দলে প্ৰথম দিনটোত সুন্দৰ প্ৰদৰ্শন আগবঢ়াইছে। আজি অসমে ২টা সোণ, ১টা ৰূপ আৰু ৫টা ব্ৰঞ্জৰ পদক সহিতে সৰ্বমুঠ ৮টা পদক অৰ্জন কৰে। ছোৱালীৰ ২০ বছৰ অনূৰ্ধ্ব শাখাৰ ৫০০০ মিটাৰ দৌৰত ছাংমিৰ টেৰণপি আৰু ছোৱালীৰ ১৫০০ মিটাৰ দৌৰত পাহি কেওটে সোণৰ পদক অৰ্জন কৰে। হাইজাম্পত কৃষাণু কুমাৰে ব্ৰঞ্জৰ পদক লাভ কৰে। আনহাতে, ৬০ মিটাৰ দৌৰত হিয়া বৰুৱাই, ১০০ মিটাৰ দৌৰত ঋষি হাজৰিকাই, শ্ৱটপুতত স্নিগ্ধপ্ৰতীম কোঁৱৰ আৰু পাৰ্থপ্ৰতীম বুঢ়াগোহাঁয়ে, ট্ৰাইথলনত স্বৰ্ণমজ্যোতি বৰাই ব্ৰঞ্জৰ পদক লাভ কৰে।