বৰপেটা জিলাৰ হাউলীৰ ৰাষ্ট্ৰীয় ঘাইপথত দীৰ্ঘদিনৰ পৰা সক্ৰিয় হৈ থকা তেলচোৰৰ চক্ৰ এটাৰ এজন সদস্যক আৰক্ষীয়ে গ্ৰেপ্তাৰ কৰিবলৈ সমৰ্থ হৈছে। টেংকাৰৰ পৰা তেল চুৰি কৰি থকা অৱস্থাতে হাতে-লোটে ধৰা পৰা লোকজনৰ লগতে আৰক্ষীয়ে টেংকাৰখনৰ চালক আৰু সহকাৰীজনকো গ্রেপ্তাৰ কৰে। অৱশ্যে ঘটনাস্থলীৰ পৰা অন্য এজন অভিযুক্ত পলায়ন কৰিবলৈ সমৰ্থ হয়। আৰক্ষীয়ে ধৃত চোৰজনৰ বাসগৃহৰ পৰা বুজন পৰিমাণৰ চোৰাং তেলৰ লগতে এখন চাৰিচকীয়া বাহনো জব্দ কৰে।