এডেলেইডত অনুষ্ঠিত দ্বিতীয় ক্রিকেট টেষ্টৰ আজি প্ৰথম দিনা ভাৰতৰ প্ৰথম ইনিংছৰ ১৮০ ৰানৰ প্ৰত্যুত্তৰত অষ্ট্ৰেলিয়াই দিনান্তত এক উইকেটৰ বিনিময়ত ৮৬ ৰান সংগ্ৰহ কৰিছে। আজি ভাৰতৰ নিয়মীয়া অধিনায়ক ৰোহিত শৰ্মাই টছত জিকি প্রথমে বেট ধৰাৰ সিদ্ধান্ত লয় যদিও মিছেল ষ্টাৰ্কৰ বিধ্বংসী বলিঙৰ সমুখত দ্রুত গতিত উইকেট হেৰুৱায়। ষ্টাৰ্কে ৪৮ ৰানত ৬টা উইকেট দখল কৰে। পেট কামিংছ আৰু স্কট বোলান্দে দুটাকৈ উইকেট দখল কৰে। ভাৰতৰ হৈ নীতিশ কুমাৰ ৰেড্ডীয়ে সৰ্বাধিক ৪২ আৰু কে এল ৰাহুলে ৩৭ ৰানৰ বৰঙণি আগবঢ়ায়। অষ্ট্ৰেলিয়াৰ প্ৰথম ইনিংছত একমাত্র উইকেটটো যশপ্রীত বুমৰাই দখল কৰে।