ছফ্‌টৱেৰৰ বিকাশৰ ক্ষেত্ৰত ভাৰতে বহু আগেয়ে আন্তঃৰাষ্ট্ৰীয় নেতৃত্ব বহন কৰিছিল, কিন্তু বৰ্তমান হাৰ্ডৱেৰ নিৰ্মাণৰ ক্ষেত্ৰতো দেশ দ্রুত গতিত আগবাঢ়িছে। ৫টা নির্মীয়মান ছেমি কণ্ডাক্টৰ প্ৰকল্পৰ জৰিয়তে বিশ্বৰ বৈদ্যুতিন খণ্ডত ভাৰতে নিজৰ স্থিতি সবল কৰি তুলিছে। কেন্দ্ৰীয় বৈদ্যুতিন আৰু তথ্য প্ৰযুক্তি মন্ত্ৰী অশ্বিনী বৈষ্ণৱে এখন ৰাষ্ট্ৰীয় দৈনিক কাকতৰ এটা লেখাত এই কথা প্ৰকাশ কৰে। তেওঁ কয়, যে চলিত বৰ্ষতে দেশৰ প্রথমটো মেক ইন ইণ্ডিয়া চিপ নিৰ্মাণৰ জৰিয়তে ভাৰতে অতি সোনকালেই এটা গুৰুত্বপূৰ্ণ মাইলৰ খুঁটিত উপনীত হ‘ব। ডিজিটেল আৰু বৈদ্যুতিন খণ্ডত দেশৰ সাফল্যত আলোকপাত কৰি শ্ৰী বৈষ্ণৱে কয়, যে প্রযুক্তি আৰু উদ্ভাৱন এতিয়া কেৱল গৱেষণাগাৰতে সীমাবদ্ধ হৈ থকা নাই, বৰঞ্চ ই নাগৰিকৰ জীৱন সলনি কৰি তুলিছে। তেওঁ উল্লেখ কৰে যে ডিজিটেল ৰাজহুৱা আন্তঃগাঁথনি, কৃত্রিম বুদ্ধিমত্তা, ছেমি কণ্ডাক্টৰ আৰু বৈদ্যুতিন নিৰ্মাণ ক্ষেত্ৰত অধিক গুৰুত্ব আৰোপ কৰাৰ জৰিয়তে দেশে ইয়াৰ ডিজিটেল ভৱিষ্যত নিৰ্মাণ কৰিছে। দেশৰ ডিজিটেল ৰাজহুৱা আন্তঃগাঁথনিৰ প্ৰশংসা কৰি কেন্দ্ৰীয় মন্ত্ৰীগৰাকীয়ে কয়, যে এই ব্যৱস্থাই আন্তঃৰাষ্ট্ৰীয় মান নিৰূপণ কৰিছে। ভাৰতৰ ডিজিটেল ৰাজহুৱা আন্তঃগাঁথনিৰ আৰ্হিৰে বিভিন্ন দেশে একেধৰণৰ ব্যৱস্থা গঢ়ি তুলিবলৈ আগ্ৰহ প্ৰকাশ কৰাৰ কথাও শ্ৰী বৈষ্ণৱে উল্লেখ কৰে।