ভাৰতৰ উদীয়মান দবা খেলুৱৈ অৰ্জুন এৰিগেইছীয়ে কালি চেন্নাই গ্ৰেণ্ড মাষ্টাৰ্ছ প্রতিযোগিতাৰ তৃতীয় ৰাউণ্ডত এলেক্সি ছাৰানাৰ বিৰুদ্ধে জয় লাভ কৰাৰ সুবাদত এফ আই ডি ই বিশ্ব দবা ৰেংকিঙত দ্বিতীয় স্থানলৈ উন্নীত হৈ ইতিহাস ৰচনা কৰিছে। ২১ বছৰীয়া খেলুৱৈগৰাকীৰ এই সাফল্যই তেওঁৰ ক্ষীপ্ৰ উত্থানক প্ৰতিফলিত কৰিছে। ছাৰানাৰ বিৰুদ্ধে লাভ কৰা জয়ে অকল অৰ্জুনৰ ৰেংকিং উন্নত কৰাত সহায় কৰাই নহয় বৰং এই জয়ৰ সুবাদতে খেলুৱৈগৰাকীয়ে প্ৰতিযোগিতাৰ মাষ্টাৰ্ছ শিতানত অগ্ৰগতি লাভ কৰিছে। ভাৰতীয় খেলুৱৈগৰাকী বৰ্তমান তৃতীয় ৰাউণ্ডৰ পাছত ইৰাণৰ গ্ৰেণ্ড মাষ্টাৰ্ছ আমিন তবটাবাইৰ সৈতে যুটীয়াভাৱে প্ৰতিযোগিতাৰ পইণ্ট তালিকাৰ শীৰ্ষত আছে।