♦ ৰাষ্ট্ৰসংঘত ভাৰতৰ স্থায়ী প্ৰতিনিধি অৰিন্দম বাগচিয়ে কালি জেনেভাত বিশ্ব স্বাস্থ্য সংস্থাৰ সঞ্চালক প্রধান টেড্ৰ’ছ অধনোম ঘেব্ৰেয়াছাছক সাক্ষাৎ কৰে। সামাজিক মাধ্যমৰ এটা পোষ্টত দুয়োগৰাকী নেতাই গোলকীয় স্বাস্থ্যৰ ক্ষেত্ৰত ভাৰত আৰু বিশ্ব স্বাস্থ্য সংস্থাৰ সহযোগিতাকে ধৰি পৰম্পৰাগত ঔষধ আৰু ডিজিটীয় স্বাস্থ্যৰ বিষয়ে আলোচনা কৰে বুলি উল্লেখ কৰা হৈছে ৷ বিদেশ মন্ত্ৰালয়ৰ প্ৰাক্তন মুখপাত্র শ্রীবাগচীক বিগত অক্টোবৰত জেনেভাত ৰাষ্ট্ৰসংঘ আৰু অন্যান্য আন্তঃৰাষ্ট্ৰীয় সংস্থাসমূহৰ ভাৰতৰ পৰৱৰ্তীগৰাকী স্থায়ী প্রতিনিধি হিচাপে নিযুক্তি দিয়া হৈছিল।