কেন্দ্ৰীয় কেবিনেটৰ নিযুক্তি সমিতিয়ে ভাৰতীয় আৰক্ষী সেৱাৰ অৱসৰপ্ৰাপ্ত বিষয়া অজিত দোভালক যোৱা ১০ জুনৰ পৰা কাৰ্যকৰী হোৱাকৈ ৰাষ্ট্ৰীয় নিৰাপত্তা উপদেষ্টা হিচাপে নিযুক্তিত অনুমোদন জনাইছে। বৰ্তমানৰ প্ৰধানমন্ত্ৰীৰ কাৰ্যকালৰ সামৰণিলৈ বা পৰৱৰ্ত্তী নিৰ্দেশ নিদিয়া পর্যন্ত তেওঁৰ কাৰ্যকাল অব্যাহত থাকিব। ইপিনে, নিযুক্তি সমিতিয়ে আজি ভাৰতীয় প্রশাসনিক সেৱাৰ অৱসৰপ্ৰাপ্ত বিষয়া ড০ পি কে মিশ্রক ১০ জুনৰ পৰা কাৰ্যকৰী হোৱাকৈ প্ৰধানমন্ত্ৰীৰ প্ৰধান সচিব হিচাপে নিযুক্তি দিছে। শ্ৰীদোভাল আৰু ড০ মিশ্ৰই কাৰ্যকালৰ সময়ছোৱাত কেবিনেট পৰ্যায়ৰ মন্ত্ৰীৰ মৰ্যাদা লাভ কৰিব।
ইফালে, অমিত খাৰে আৰু তৰুণ কাপুৰক প্ৰধানমন্ত্ৰী কাৰ্যালয়ৰ উপদেষ্টা হিচাপে নিযুক্তি দিয়া হৈছে। তেওঁলোকৰ নিযুক্তি যোৱা ১০ জুনৰ পৰা কাৰ্যকৰী হ’ব।