আকাশবাণী গুৱাহাটীয়ে ইনলী ফাউণ্ডেচনৰ সহযোগত দৃষ্টিহীনসকলৰ বাবে আজি এখন মঞ্চনাট পৰিৱেশন কৰে। ঋতুপৰ্ণ দাস ৰচিত আৰু পৰিচালিত তোমাৰ নিবিড় মায়াৰে নামৰ এই নাটখন আজি দিনৰ ভাগত গুৱাহাটীৰ শ্ৰীমন্ত শংকৰদেৱ কলাক্ষেত্ৰৰ শ্ৰীশ্ৰী মাধৱদেৱ প্ৰেক্ষাগৃহত পৰিৱেশন কৰা হয়। এই মঞ্চনাটখনৰ দ্বাৰা দৃষ্টিহীন লোকসকলক অনাতাঁৰ নাট উপভোগ কৰোৱাসদৃশ অভিজ্ঞতা আৰু অনুভৱ প্ৰদানৰ প্ৰয়াস কৰা হয়। এই অনুষ্ঠানৰ পাছতে আকাশবাণী গুৱাহাটী কেন্দ্ৰৰ নাট শাখাৰ কণ্ঠস্বৰ পৰীক্ষাত উত্তীর্ণ অভিনয় শিল্পীসকলক স্বীকৃতিপত্ৰ প্ৰদান কৰা হয়। অনুষ্ঠানত আকাশবাণী আৰু দূৰদৰ্শনৰ উত্তৰ-পূবৰ অতিৰিক্ত সঞ্চালক প্রধান আশীষ ভাটনাগৰ, গুৱাহাটী বিশ্ববিদ্যালয়ৰ অধ্যাপক কিশোৰী মোহন ভট্টাচাৰ্যৰ লগতে বশিষ্ঠৰ দৃষ্টিহীন বিদ্যালয়ৰ ছাত্ৰ-ছাত্ৰী আৰু ভালেসংখ্যক দৃষ্টিহীন শ্রোতা উপস্থিত থাকে। অনুষ্ঠানত উপস্থিত থাকে গুৱাহাটী বিশ্ববিদ্যালয়ৰ অধ্যাপক কিশোৰী মোহন ভট্টাচাৰ্য।