ভাৰতে কালি ৱেষ্ট ইণ্ডিজৰ বিৰুদ্ধে আই চি চি মহিলা ক্রিকেট প্রতিযোগিতাৰ তিনিখনীয়া এদিনীয়া শৃংখলাৰ দ্বিতীয়খন খেলত ১১৫ ৰাণৰ ব্যৱধানত জয়লাভ কৰিছে। ভাৰতীয় দলটোৱে নিৰ্ধাৰিত অভাৰত পাঁচটা উইকেট হেৰুৱাই ৩৫৮ ৰাণ সংগ্ৰহ কৰে। ভাৰতৰ হৰলীন দেউলে সৰ্বাধিক ১১৫, প্রতীকা ৰাৱালে ৭৬ আৰু স্মৃতি মান্ধানাই ৫৩ ৰাণৰ বৰঙণি আগবঢ়ায়। প্ৰত্যুত্তৰত ৱেষ্ট ইণ্ডিজ দলটোৱে ৪৬ অভাৰ আৰু দুটা বলত আটাইকেইটা উইকেট হেৰুৱাই ২৪৩ ৰাণ কৰিবলৈ সমৰ্থ হয়। একেখন ষ্টেডিয়ামতে দেওবাৰে অনুষ্ঠিত প্ৰথমখন এদিনীয়াত ভাৰতে আলহী দলটোক ২১১ ৰানত পৰাস্ত কৰিছিল। এয়া হৈছে মহিলা এদিনীয়া ক্ৰিকেটত ভাৰতীয় দলটোৰ দ্বিতীয় বৃহৎ‍ বিজয়। প্রথমে বেট ধৰি ভাৰতে নিৰ্ধাৰিত ৫০ অভাৰত ৯ টা উইকেট হেৰুৱাই ৱেষ্ট ইণ্ডিজক ৩১৪ ৰানৰ বৃহৎ লক্ষ্য নিৰ্ধাৰণ কৰিব দিয়ে। ভাৰতৰ বলাৰসকলৰ পৰাক্ৰমত তিষ্ঠিব নোৱাৰি ৱেষ্ট ইণ্ডিজে ২৬ অভাৰ ২টা বলত আটাইকেইটা উইকেট হেৰুৱাই মাত্র ১০৩ ৰানহে কৰিবলৈ সমৰ্থ হয়। ভাৰতৰ হৈ ৰেনুকা সিং ঠাকুৰে ৫টা উইকেট দখল কৰে আৰু তেওঁক প্লেয়াৰ অব দ্যা মেচ হিচাপে ঘোষণা কৰা হয়। সহ-উইকেটকিপাৰ স্মৃতি মান্ধানাই ৯১ ৰানৰ বৰঙণি আগবঢ়ায়।