ৰাষ্ট্ৰীয় ৰাজধানী দিল্লীৰ বায়ুৰ গুণগত মান এতিয়াও শোচনীয় হৈ আছে। কেন্দ্ৰীয় প্ৰদূষণ নিয়ন্ত্ৰণ পৰিষদে প্ৰকাশ কৰা মতে কালি বিয়লি ৰাষ্ট্ৰীয় ৰাজধানীত বায়ুৰ গুণগত মান এ কিউ আই সূচ্যাংক ৩৮৬ পোৱা গৈছে। ভাৰতীয় বতৰ বিজ্ঞান বিভাগে দিল্লী আৰু ৰাষ্ট্ৰীয় ৰাজধানী ক্ষেত্ৰত পৰৱৰ্তী ২-৩ দিনত নিশা আৰু পুৱাৰ ভাগত ধোঁৱা মিহলি কুঁৱলী পৰিব পাৰে বুলি আগলি বতৰা দিছে। পৰিষদৰ তথ্য অনুসৰি বৱানাত এ কিউ আই ৪৫০, আনন্দ বিহাৰত ৪৪২, অশোক বিহাৰত ৪৩১, দ্বাৰকাত ৪০৮, পাঞ্জাবিবাগত ৪২২ আৰু ৰোহিনীত ৪৩৪ পোৱা গৈছে।