গোৱাৰ পানাজীত অহা ১৯ৰ পৰা ২২ অক্টোবৰলৈ অনুষ্ঠিত হ’বলগীয়া ৰাষ্ট্ৰীয় পেৰা সাঁতোৰ প্ৰতিযোগিতাত অংশগ্ৰহণৰ বাবে অসম পেৰালিম্পিক সন্থাই অসমৰ ৯ জনীয়া দলটো ঘোষণা কৰিছে। গুৱাহাটীত অনুষ্ঠিত হোৱা চতুৰ্থ সদৌ অসম পেৰা ক্ৰীড়া প্রতিযোগিতাত দেখুওৱা প্ৰদৰ্শনৰ ভিত্তিতেই অসম দলটো নিৰ্বাচন কৰা হৈছে বুলি সন্থাৰ তৰফৰ পৰা জানিবলৈ দিছে। দলটোৰ সদস্যসকল হ’ল- কৃষ্ণ দাস, সূর্য শ‍ইকীয়া, দেৱীলাল মিলি, ধুনু টাও, আনোৱাৰ শিকদাৰ, জেহৰুল ইছলাম, ছাজিদা বেগম, য়েছমিনা খাতুন আৰু প্ৰীতি দাস।